سلام . حـقـیـقـتـش نونم ... باورم نیکنم ایقه ابراز عالاقه و اِی وب نوشت وابو .. ولی خو وابیده ایطوری که شکه وابید مه و نی ترم گپ بزنم .... رسم ادب خمو لرال حالیم وابی یه چی دَ دنبالش هه . و هم ینکه مهلی و تعارفـل اعـتـنا ایکُنیم ؛ البته که ای چـیل من مرام هر کسی نی و جی امیده ار خیا بخو.
خواسم بگم خوبه همش تماشاچی نـبیم ، یه پاره ی وقتی هم مث تماشاچی نمایل بُـل کنیم وسط مِیون و یه بَـکلارِی تاک اما تجیک و سرحالی هم بزنیم و دَ ریم ؛ حکمی که شوخی کردم .
ایـچو نه تارف داریم و نه ری در بیسی ، سی کمک و شریک وابی ین ایطریت هم ایسو او مطلبلی که داریت یا شعرلی نه که بـَلیِـیت یا فکر ایکنیت خوبه یا و کسی مث بوا و ننه که کلید گنج تی اونگله و غیره که ختو بِتر دونیت سیما م من قسمت < نظر دهید> . ار زحمت وانیبو همی وزیر دستو [ ایسو یه بعضی ال ایگن یو چه قَسی یه در آورده ]
سی ما بفـرستید . یای تون هم نره بنو یـسـیت شعرکو وَ کیه و یا کوچو پیا ش کردیته و نوم مبارک ختون چنه. تا ایطوری اولند ش شعر یه هـویت درسی داشته بو و شعرای عزیز می ما ناراحت وا نبون . دومندش تا کلاس کارمون و قول شهریل بره بالا . بعد ش سی تقدیر و زحمتل ایشا اسمتو به عنوان شاعر یا گرد آورنده نقـل وابو. منتظر و تیه و ره. همت ریمونه سی داشتن یه گنجینه ی نابی بوندیم.....
